Plantun de Prouvènço

Pèr coumpara dos planto d'encò nostre

Morus kagayamae & Schoenoplectus litoralis

Morus kagayamae

Moraceae

Nom en français : Mûrier platane.

Descripcioun :
L'amourié-platano, que nous vèn dóu Japoun, es un aubre planta dins li jardin, li pargue e long de carriero. Malodi s'èi proun naturalisa dins li relarg umide proche de ribiero (ripisilvo) e i'èi pas rare de lou rescountra emé si fueio di proun chanjadisso.

Usanço :
Coume es esta di, avèn usanço de lou vèire taia pèr douna d'oumbro. Li meno plantado soun esterlo pèr pas que lou fru taque lou sòu, autramen aquéli soun goustous e manjadis coume li dis àutris amourié. Au Japoun servié à abali li magnan coume l'amourié-blanc. Èro nouma Morus bombycis, de Bombyx mori, lou magnan. Li prouprieta dèvon èstre li memo.

Port : Aubre
Taio : 2 à 5 m
Fueio : alterno
Tipe bioulougico : Faneroufite
Cicle bioulougico : Planto renadivo

Gènre : Morus
Famiho : Moraceae

Coulour de la flour : Blanco
Petalo : ges
Ø (o loungour) enflourejado : 15 à 30 mm
Flourido : Printèms

Sòu : Ca
Autour basso e auto : 0 à 200 m
Aparado : Noun
Abriéu à mai

Liò : Ribo d'aigo - Ermas
Estànci : Mesoumediterran
Couroulougi : Óurigino Asìo-Èst
Ref. sc. : Morus kagayamae Koidz., 1915 (= Morus bombycis Koidz.,1915 )

Triangle(-de-coustiero)

Schoenoplectus litoralis

Cyperaceae

Noms en français : Scirpe du littoral, Souchet du littoral.

Descripcioun :
Lou triangle-de-coustiero, planto raro, trachis dins l'aigo-sau e, de cop que i'a, dins li sagnas de l'en-dedins. Fai parti di Schoenoplectus qu'an la tijo en triangle e sènso fueio. S'atrovon d'escaumo à la baso soulamen. Li sedo dóu perigone soun un pau larjo au bout e soun cihado.

Usanço :
Couneissèn pas d'usanço particuliero pèr aquelo planto. Escriéure au site se n'en sabès mai .

Port : Erbo
Taio : 0,5 à 1,5 m
Fueio : costo paralèlo
Tipe bioulougico : Eloufite
Cicle bioulougico : Planto renadivo

Gènre : Schoenoplectus
Famiho : Cyperaceae

Ordre : Poales

Coulour de la flour : Verdo
Petalo : ges
Ø (o loungour) enflourejado : 1,5 à 2,5 cm
Flourido : Printèms - Estiéu

Sòu : Ca
Autour basso e auto : 0 à 100 m
Aparado : Noun
Jun à avoust

Liò : Palun - Sagnas
Estànci : Termoumediterran à Mesoumediterran
Couroulougi : Subretroupicalo
Ref. sc. : Schoenoplectus litoralis (L.) Palla, 1888 (= Scirpus littoralis Schrad. )

Partisoun en Prouvènço : CCC à C : mai o mens coumuno ; R à RRR : pulèu o forço raro ; "ges" dins aquéu relarg.

ges

Morus kagayamae & Schoenoplectus litoralis

ges

Coumpara Amourié(-platano) emé uno autro planto

Coumpara Triangle(-de-coustiero) emé uno autro planto